အသင်းတော်၏ အစာရှောင်ဆုတောင်းခြင်းအစီအစဉ်က လ၏ ပထမဆုံး(၁၀)ရက်ထိ နံနက်(၉)နာရီမှ ညနေ(၃)နာရီအထိ တနင်္လာနေ့မှ သောကြာနေ့အထိအမြဲတမ်းရှိပါတယ်။
ဘာကြောင့်ဆုတောင်းသင့်သလဲ
ခုချိန်ဟာ ကျွန်မတို့မြန်မာနိုင်ငံအတွက်ဆုတောင်းရန်အလိုအပ်ဆုံးအချိန်ကာလဖြစ်ပြီး အထူးအဖြသဖြင့် လူငယ်တွေရဲ့ အနာဂတ်၊ နိုင်ငံ့အနာဂတ်အတွက်ဆုတောင်းရမှာဖြစ်ပါတယ်။
“အဘယ်အမှုကိုမျှ စိုးရိမ်ခြင်းမရှိဘဲ အရာရာ၌ ကျေးဇူးတော်ကို ချီးမွမ်းခြင်းနှင့်တကွ ဆုတောင်းပဌနာ ပြုသောအားဖြင့်၊ သင်တို့တောင်း ပန်လိုသောအရာများတို့ကို ဘုရားသခင်အား ကြားလျှောက်ကြလော့။” ဖိလိပ္ပိဩဝါဒစာ ၄:၆ လို့ဖော်ပြသလိုပဲ ကျွန်မတို့ရဲ့ ကိုယ်ရေးကိုယ်တာ၊ လုပ်ငန်း၊ အနာဂတ်နှင့် အရာရာဟာ ထိုဘုရားရှင်သာပိုင်ဆိုင်တာမို့ ကျွန်မတို့ဆုတောင်းရမှာဖြစ်ပါတယ်။
ဆုတောင်းခြင်းဆိုတာဘာလဲ
ဆုတောင်းခြင်းဆိုတာက တကယ်တော့ ကိုယ်လိုအပ်တဲ့အရာများကိုအဆက်မပြတ်၊ မရမချင်းတောင်းတာမျိုးသာမကပဲ ထိုထက်မကအရေးကြီးတဲ့အရာကတော့ ဘုရားနဲ့အချိန်ယူခြင်းဖြစ်တယ်။ လူတွေရဲ့စိတ်ဟာ တစ်ယောက်ထဲနေတဲ့အချိန်(သို့မဟုတ်) လူတွေမမြင်နိုင်တဲ့အခြေအနေ၊ အခိုက်အတန့်တစ်ခုမှာ ဘုရားနဲ့ အချိန်ယူခြင်းဖြစ်ပါတယ်။
ဘာကြောင့်အစာရှောင်ရသလဲ
တကယ်တမ်း ဝိညာဉ်ရေးရာတိုက်ပွဲဝင်ခြင်း၊ အမှောင်ထုနဲ့တိုက်လှန်ခြင်းမျိုးမှာ အစာရှောင်ဆုတောင်းခြင်းမပါပဲ မပြီးတာ ယုံကြညိသူတိုင်းသိရှိပြီးသားဖြစ်ပါတယ်။ ခရစ်တော်ကိုယ်တိုင်က သူ့ရဲ့သာသနာလုပ်ငန်းမစတင်ခင်မှာ ရက်(၄၀) အစာရှောင်ခြင်းဖြင့်စတင်တာဖြစ်တယ်။
ဒီအစီအစဉ်မှာ ဘာအကျိုးရမလဲ
သေချာတယ်။ ဆုတောင်းခြင်း၊ အစာရှောင်ခြင်းအတွက် မိတ်ဆွေအကျိုးရှိကိုရှိပါတယ်။ မိမိဘ၀ကိုတည်ဆောက်ခြင်း၊ ဘုရားမျက်မှောက်တော်ရှာခြင်း၊ ဝိညာဉ်ရေးရာမှာ ပိုမိုနက်ရှိုင်းစွာ ထိုဘုရားနှင့်သိကျွမ်းခြင်းနဲအတူ လုပ်လေသမျှ၌ အောင်မြင်ခြင်း၊ ထိုးဖောက်နိုင်ခြင်း၊ မျက်နှာသာရရှိခြင်းစတဲ့အကျိုးကျေးဇူးများရဲ့ အရင်းအမြစ်ဟာ ဒီနေရာ(အစာရှောင်ဆုတောင်းခြင်း)ဖြစ်ပါတယ်။ အားလုံးလာရောက်ဖို့ ဖိတ်ခေါ်ပါရစေ။